Ցանցային ծառայությունների (B2B սեգմենտի) մշակման մենեջեր

Պաշտոնի հիմնական նպատակն է կորպորատիվ հաճախորդների համար նոր առաջարկների ու ծառայությունների ձևավորում՝ ներառյալ դրանց տեխնիկական բնութագրերը։ 

Ռոստելեկոմում աշխատանքային օրը բաղկացած է հետևյալից․

• Ծառայությունների/սակագնային փաթեթների տեխնիկական ու կոմերցիոն նկարագրերի պատրաստում,

• Ծառայությունների մատուցման պայմանների բարելավման և նոր ծառայությունների մատուցման մասին առաջարկների ներկայացում,

• Մասնակցություն ծառայությունների մատուցման փաթեթների ձևավորման, գնացուցակների և սակագնային պլանների սահմանման գործընթացներին,

• Նմանատիպ ծառայությունների շուկայի և դրա զարգացման ուսումնասիրություն,

• Ֆինանսական հաշվարկների, վերլուծությունների իրականացում՝ նախագծերի/մշակվող պրոդուկտների նպատակահարմարությունը գնահատելու նպատակով,

• Հետազոտությունների անցկացում` իրացման առավել շահավետ շուկաները և ծառայությունների սպառողներին որոշելու նպատակով,

• Մարքեթինգային հետազոտությունների համար անհրաժեշտ նյութերի պատրաստում, ինչպես նաև ստացված վիճակագրական տվյալների վերլուծություն, համապատասխան հաշվետվության պատրաստում ու առաջարկների ներկայացում,

• Բովանդակությամբ կից գործառույթների իրականացում։

Արի մեր թիմ, եթե...

• Ունես ստեղծագործ և ճկուն մտածողություն,

• Ակտիվ ես, սիրում ես հաղթահարել խոչընդոտներ,

• Ունես պատասխանատվության բարձր զգացում,

• Պատրաստ ես արագ արձագանքել տարբեր իրավիճակների,

• Համբերատար ես և ուշադիր։

Աշխատանքն իրականացնելու համար հիմնական պահանջներ

• Բարձրագույն կրթություն ՏՏ և հարակից ոլորտներում,

• 2+ տարվա աշխատանքային փորձ,

• ՏՏ գիտելիքներ՝ առաջարկվող ծառայության էությունը տեխնիկապես պատկերացնելու համար,

• Կոմերցիոն մտածելակերպ՝ առաջարկվող ծառայությունների առավելությունները տեսնելու, ընդգծելու և հաճախորդներին ճիշտ լուծումներ առաջարկելու համար,

• Անգլերեն և ռուսերեն լեզուների իմացություն։

Ռոստելեկոմում աշխատելու առավելությունները

• Առողջության ապահովագրություն,

• Բոնուսային համակարգ, որը թույլ կտա վաստակել ավելին,

• Ուսուցման հնարավորություն Ընկերության ներսում, փորձի փոխանակում մեր լավագույն մասնագետների հետ,

• Մասնագիտական ուսուցումների, որակավորման քննությունների ֆինանսավորում,

• Մասնագիտական զարգացման/աճի բազում հնարավորություններ (աճի նախապատվություն հենց մեր աշխատակիցներին),

• Թիմային միջոցառումներ, 

• Դրական աշխատանքային միջավայր ու անփոխարինելի գործընկերներ:

Մեր թիմին միանալու համար ուղարկիր ռեզյումե hr@rtarmenia.am էլ. հասցեին՝ նշելով համապատասխան հաստիքի անվանումը. այս դեպքում՝ Ցանցային ծառայությունների (B2B սեգմենտի) մշակման մենեջեր:

Մենք սիրով կդիտարկենք Ձեր թեկնածությունը և կապ կհաստատենք Ձեզ հետ: